Некалькі вечароў запар пасля шостай гадзіны ля галоўнага гарадзкога фантану гучыць музыка. Не запісы з калонак на слупах, а жывая. За культурную праграму для бабруйчан і магчымых гасцей гораду адказныя дзве бабруйскія школы мастацтваў – №1 імя Цікоцкага і №2 імя Алоўнікава. Выступаюць яны па чарзе – пачынала 16 чэрвеня Першая музычная школа, у пятніцу 17-га выступілі выканаўцы з Другой. І вучні – самастойна і з дапамогай настаўнікаў, – і ансамбль выкладчыкаў «Рэтра».
У суботу і нядзелю музычныя вечары ля фантану працягнуцца. Па плане канцэрты будуць да 22 чэрвеня.
