Дарагія браты і сёстры!
Зноў мы чуем радасны вокліч: «Хрыстос уваскрос! Сапраўды ўваскрос!» Зноў мы радуемся вялікай перамозе нашага Пана над уладай смерці. Зноў перажываем Пасху Хрыста і просім Уваскрослага Госпада блаславіць нас, нашыя сем’і і нашу краіну.
Анёл звяртаецца да жанчын, якія засмучаныя стаяць ля магілы, і пытаецца, чаму шукаюць Жывога спаміж памерлымі. Нам сапраўды цяжка знайсці Бога сярод суму і роспачы, цяжка ўбачыць Яго прысутнасць, калі нашы сэрцы перапоўненыя песімізмам і крыўдамі, калі мы занадта моцна трымаемся сваіх расчараванняў. Хрыстос Уваскрослы хоча ўнесці ў нашае жыццё надзею і радасць, спадзяванне на новыя перамогі і дасягненні.
Даверым жа нашае жыццё і ўсё, што перапаўняе нашае сэрца, Уваскросламу Пану. Добрых святаў Пасхі, няхай яны стануць для вас сапраўднаю сустрэчаю з Уваскрослым Хрыстом! Будзьма ж людзьмі велікоднай радасці!
Ксёндз Андрэй Яркавец, пробашч парафіі Беззаганнага Зачацця Найсвяцейшай Панны Марыі ў Бабруйску
Расклад святочных набажэнстваў Трыдыума Пасхальнага
18 красавіка, Вялікі чацвер:
- 19.00 – Імша Вячэры Пана.
19 красавіка, Вялікая пятніца:
- 19.00 – Літургія Мукі Пана.
20 красавіка, Вялікая субота:
- Асвячэнне Вялікодных страваў: 10.00, 12.00, 14.00, 17.00.
- 21.00 – Літургія Вігіліі Пасхальнай
21 красавіка, Вялікодная нядзеля:
- 7.00, 17.00 – Урачыстасць Змёртвыхпаўстання Пана.
22 красавіка, Вялікодны панядзелак:
- 9.00, 18.00 – Святая Імша.