Мгновения праздника: День города-2023 в Бобруйске

Эх, Бабруйск!..

Не рубцуецца памяць дзіцячая,

Толькі болей з гадамі выразнее,

І ўспамінамі, самымі ўдзячнымі,

Працінае мяне ўразьліва.

Эх, куточкі ўсе, роднага горада,

Што бацькамі і лёсам дадзены,

Наталяеце вы мяне годнасцю,

Асвятляеце веліччу прадзедаў.

Камяніцы – старыя, пакутныя,

Ацалелыя і зруйнаваныя...

Брукаванкі, ў асфальт закутыя –

Колісь коленцамі «цалаваныя»...

З чыстай памяці хлапчуковай

Паўстае тое ўсё, што страчана.

Эх, Бабруйск, старажытны і новы,

Прыцягненне маё і спадчына.

Прысвячэнне Бабруйску

Цябе нарадзілі стагоддзі

Між рэчак, палёў і лясоў,

Дзе ставілі прашчуры хаты

Ля хатак увішных баброў.

Варожыя войны і раны

Уведаў, Бабруйск, ты не раз,

Але над Бярэзінай – паннай

Бляск славы тваёй не пагас!

Ты помніш імёны герояў,

Ты продкаў шануеш сваіх,

І працай стваральнай мацуюць

Цябе для нашчадкаў тваіх!

Бабруйск, дарагі майму сэрцу –

Прыгожы ўдзень і начамі!

А лепшыя людзі ў свеце –

Мае землякі – бабруйчане!

Ў сям’і гарадоў Беларусі –

Квітней і заранкам свяці.

Бабруйск, я табой ганаруся,

З табой я іду па жыцці!