Дарагія браты і сёстры ў Хрысце, паважаныя бабруйчане і ўсе людзі добрай волі!
Святкуючы Праўду нашай веры, што Хрыстос Уваскрос, і Ён з намі, мы ўзгадваем Яго слаўную Перамогу над смерцю!
Няхай Велікоднае пасланне: «Спакой вам!» нягледзячы на розныя жыццёвыя выпрабаванні і напружанасць нашага часу будзе крыніцай Веры і ўмацоўвае Надзею.
Няхай святочнае перажыванне радасці Хрыстовага Ўваскрасення дадае сілаў у штодзённых жыццёвых клопатах пра заўтрашні дзень і прынясе плён у рэалізацыі Божага плану праз наша асабістае Евангельскае сведчанне!
Хрыстос Уваскрос! Сапраўды Ўваскрос! Аллелюя!
Расклад святочных набажэнстваў і асвячэння страў у касцёле:
- Вялікі чацвер, 17 красавіка – Святая Імша вячэры Пана ў 19.00.
- Вялікая пятніца, 18 красавіка – набажэнства Мукі Пана і адарацыя Святога Крыжа ў 19.00.
- Вялікая субота, 19 красавіка: благаслаўленне страваў на велікодны стол – 10.00, 12.00; Пасхальная вігілія ў 20.00, пасля – благаслаўленне страваў на велікодны стол.
- Вялікдзень, 20 красавіка – Рэзурэкцыя ў 7.00.
