У суботу 24 снежня прамая трансляцыя святой Імшы Пастэркі будзе весціся на тэлеканале «Беларусь 1» з магілёўскай катэдры Унебаўзяцця Найсвяцейшай Панны Марыі і святога Станіслава. Узначаліць урачыстую цэлебрацыю адказны за Магілёўскі рэгіён Генеральны вікарый Мінска-Магілёўскай архідыяцэзіі біскуп Аляксандр Яшэўскі, перадае catholic.by.
Пачатак прамой трансляцыі з Магілёва ў 21.45.
Адразу пасля заканчэння трансляцыі з Магілёва, у 23.30, адбудзецца ўключэнне з базылікі святога Пятра ў Ватыкане, са святой Імшы Пастэркі з удзелам Святога Айца Папы Францішка.
Раніцай у нядзелю 25 сакавіка ў 7.25 на тэлеканале «Беларусь 1» з віншавальным словам на Божае Нараджэнне звернецца Мітрапаліт Мінска-Магілёўскай архідыяцэзіі арцыбіскуп Юзаф Станеўскі.
Ва ўрачыстасць Божага Нараджэння ў 15.30 на тэлеканале «Беларусь 3» адбудзецца трансляцыя з Ватыкана благаслаўлення Urbi et Orbi – «Гораду і свету» – Святога Айца Папы Францішка.