Будслаўскі фэст-2022 у фотаздымках бабруйскіх пілігрымаў

2154
Дзяніс НОСАЎ. Фота прыхаджанаў бабруйскага касцёлу
У Будславе завяршыўся славуты штогадовы рэлігійны фэст, які традыцыйна збірае тысячы пілігрымаў з усёй краіны. Упершыню пасля пажару 2021 году ўрачыстасці вярнуліся і ў сам касцёл Унебаўзяцця Найсвяцейшай Дзевы Марыі. «ВБ» расказвае і паказвае, як адбываліся святы, разам з бабруйскімі пілігрымамі.
Будслаўскі фэст –2022. Абраз Маці Божай Будслаўскай на святочнай працэсіі
Будслаўскі фэст –2022. Абраз Маці Божай Будслаўскай на святочнай працэсіі

Абраз Маці Божай Будслаўскай лічыцца цудадзейным, гэта адзін з найбольш шануемых каталіцкіх абразоў. Ён падараваны Будслаўскаму кляштару бэрнардынцаў Папай Рымскім Кліментам VIII у 1598 г. Праз 400 год, у 1996-м, Папа Рымскі Ян Павел II абвясціў гэтую ікону патронкай Беларусі. Свята Маці Божай Будслаўскай па календары прыходзіцца на 2 ліпеня, раней пілігрымы збіраліся ў Будславе на 1-е і 2-е, потым з-за велічэзнай масавасці кіраўніцтва касцёлу вырашыла праводзіць святы на выходныя. А ў гэтым годзе даты амаль супалі, і асноўныя ўрачыстасці адбыліся з пятніцы на суботу – як і раней, з 1-га на 2-е ліпеня.

Будслаўскі фэст –2022. Сумесная калона бабруйскіх і ракаўскіх пілігрымаў
Будслаўскі фэст –2022. Сумесная калона бабруйскіх і ракаўскіх пілігрымаў
Будслаўскі фэст –2022.Пілігрымы з Бабруйску на шляху да Будслава. У цэнтры сястра-дамініканка Наталля Бяляева
Будслаўскі фэст –2022.Пілігрымы з Бабруйску на шляху да Будслава. У цэнтры сястра-дамініканка Наталля Бяляева

На фэст у Будслаў з'язджаюцца, як правіла, усе біскупы Каталіцкай Царквы Беларусі, прадстаўнікі розных манаскіх ордэнаў, вялікая колькасць святароў і Каталіцкай, і Уніяцкай, і Праваслаўнай царквы. Абавязкова ўдзельнічае ва ўрачыстасцях Апостальскі нунцый у Беларусі.

І тысячы пілігрымаў з усёй краіны і, у добрыя часы, з замежжа, едуць цягнікамі, аўтобусамі, сваімі машынамі, роварамі, плывуць байдаркамі і ідуць пешшу, вялікімі ці малымі групамі, а то й па аднаму.

З Бабруйску ў гэтым годзе ў Будслаў адправіліся тры группы – адна дабіралася самастойна, адна ехала аўтобусам, і адна ішла самым традыцыйным пешым шляхам. Па дарозе бабруйчане аб'ядналіся з паломнікамі з Ракаву і ў Будслаў прыйшлі разам. Падзяліўшыся з «ВБ» фотаздымкамі з дарог і самога Будслава. Іншыя карціны фэсту дапамогуць асвяціць здымкі Catholic.by.

Па падліках Catholic.by ў 2022 годзе толькі пешшу і на роварах ў Будслаў прыбылі больш за 20 толькі арганізаваных пілігрымак агульнай колькасцю 1757 чалавек.

Будслаўскі фэст –2022. Сумесная калона бабруйскіх і ракаўскіх пілігрымаў
Будслаўскі фэст –2022. Сумесная калона бабруйскіх і ракаўскіх пілігрымаў
Будслаўскі фэст –2022.
Будслаўскі фэст –2022.
Будслаўскі фэст –2022. Пілігрымы перад касцёлам Унебаўзяцця Найсвяцейшай Дзевы Марыі
Будслаўскі фэст –2022. Пілігрымы перад касцёлам Унебаўзяцця Найсвяцейшай Дзевы Марыі

У траўні мінулага году ў будслаўскім касцёле адбыўся вялікі пажар, абвалілася частка даху. Таму леташні фэст прайшоў перад зачыненымі дзвярыма святыні, толькі на пляцоўках вакол будынку. Валантэры з першых гадзін разбіралі наступствы, у кароткі тэрмін на аднаўленне святога месца сабралі вялікія грошы. І сёлета, паспеўшы да свайго галоўнага свята, Будслаўскі касцёл зноў адкрыўся.

Будслаўскі фэст –2022. Пілігрымы з Бабруйску і Ракаву ў адроджаным касцёле
Будслаўскі фэст –2022. Пілігрымы з Бабруйску і Ракаву ў адроджаным касцёле
Будслаўскі фэст –2022. У адроджаным касцёле крыж з абгарэлых бэляк
Будслаўскі фэст –2022. У адроджаным касцёле крыж з абгарэлых бэляк
Будслаўскі фэст –2022.
Будслаўскі фэст –2022.

Перад святыняй вернікаў прывіталі біскупы Аляксандр Яшэўскі, Алег Буткевіч, Юрый Касабуцкі, Казімір Велікаселец і грэка-каталіцкі архімандрыт Сяргей Гаек.

«У нашай краіне практыкуецца вялікая пашана да Маці Божай, а разам з тым у нас назіраецца столькі няверы, абыякавасці да чужых патрэб, столькі крывадушнасці, эгаізму, нараканняў, несправядлівасці, – з горыччу канстатаваў біскуп Яшэўскі. – Марыя заўсёды прысутнічае сярод сваіх дзяцей і клапоціцца пра іх дабро, Яна хоча адкрыць нашыя вочы і нашыя сэрцы, каб, выконваючы тое, што сказаў нам Яе Сын, мы змаглі знайсці правільны шлях у нашай штодзённасці».

Будслаўскі фэст –2022.
Будслаўскі фэст –2022.

А ўночы прайшла прыгожая шматтысячная працэсія з іконай і свечкамі. І асноўная святая імша свята, якую вёў Апостальскі нунцый у Беларусі арцыбіскуп Антэ Ёзіч і Мітрапаліт Мінска-Магілёўскі арцыбіскуп Юзаф Станеўскі.

«Памолімся, каб не было больш войнаў, падзелаў, знішчэння чалавечых жыццяў. Памолімся, каб паміж людзьмі валадарылі мір, павага, сяброўства, дапамога і братэрства, – прамовіў арцыбіскуп Ёзіч, прадстаўнік Папы Рымскага. – Сёння вечарам асаблівым чынам молімся за мір і прымірэнне людзей у суседняй Украіне, каб пад апекай Маці Божай мы маглі пераадолець, як кажа Святы Айцец Папа Францішак, "культуру падзелу" і ўмацаваць культуру міру».

Будслаўскі фэст –2022. Апостальскі нунцый у Беларусі арцыбіскуп Антэ Ёзіч
Будслаўскі фэст –2022. Апостальскі нунцый у Беларусі арцыбіскуп Антэ Ёзіч
Будслаўскі фэст –2022.
Будслаўскі фэст –2022.
Будслаўскі фэст –2022.
Будслаўскі фэст –2022.
Будслаўскі фэст –2022.
Будслаўскі фэст –2022.
Будслаўскі фэст –2022.
Будслаўскі фэст –2022.
Будслаўскі фэст –2022.
Будслаўскі фэст –2022.

Для Беларусі касцёльны комплекс Будслава – Нацыянальны санктуарый. Ад Ватыкану Будслаўскі касцёл атрымаў ганаровае званне Малой Базілікі, значыць ён ёсць выбітнай гістарычнай каштоўнасцю, якая з’яўляецца месцам літургічнага і пастырскага паломніцтва. У Беларусі Малых Базілік тры – яшчэ аднайменны будслаўскаму кафедральны касцёл у Пінску ды кафедральны Святога Францішка Ксаверыя ў Гродне. Ва Ўкраіне Малых Базілік дзве, у Расіі наогул адна. А Вялікіх Базілік, тобок касцёлаў больш высокага рангу за Будслаўскі, у свеце ўсяго шэсць – 2 ў Асізі і 4 ў Рыме.

З 2018 году ўрачыстасць у гонар шанавання ікон Маці Божай Будслаўскай (Будслаўскі фэст) уваходзіць у Спіс нематэрыяльнай культурнай спадчыны UNECO ў Беларусі – разам з абрадам «Калядныя цары», які існуе толькі ў вёсцы Семежава Капыльскага раёну, абрадам «Юраўскі карагод», што праводзіўся шмат дзе на Тураўшчыне і захаваўся ў вёсцы Пагост, і сумеснай з Польшчай культурай бортніцтва.

Будслаўскі фэст –2022. Сястра-дамініканка Наталля Бяляева і бабруйскія пілігрымы на шляху да Будслава.
Будслаўскі фэст –2022. Сястра-дамініканка Наталля Бяляева і бабруйскія пілігрымы на шляху да Будслава.
Будслаўскі фэст –2022. Сумесная калона бабруйскіх і ракаўскіх пілігрымаў
Будслаўскі фэст –2022. Сумесная калона бабруйскіх і ракаўскіх пілігрымаў
Будслаўскі фэст –2022. Бабруйскія пілігрымы ў Будславе
Будслаўскі фэст –2022. Бабруйскія пілігрымы ў Будславе
Будслаўскі фэст –2022. Бабруйскія пілігрымы ў Будславе
Будслаўскі фэст –2022. Бабруйскія пілігрымы ў Будславе
Будслаўскі фэст –2022. Бабруйскія пілігрымы ў Будславе
Будслаўскі фэст –2022. Бабруйскія пілігрымы ў Будславе
Будслаўскі фэст –2022. Галерэя беларускіх абразоў Маці Божай
Будслаўскі фэст –2022. Галерэя беларускіх абразоў Маці Божай
Будслаўскі фэст –2022. Крыжык з ружанцам бабруйскіх пілігрымаў
Будслаўскі фэст –2022. Крыжык з ружанцам бабруйскіх пілігрымаў