Пад Магілёвам правялі старажытны народны абрад “Зажынкі”

2082
Источник: «Приднепровская нива».
У весцы Палыкавічы, што пад Магілёвам, правялі старажытны рэгіянальны абрад “Зажынкі”. Гэта сакральны пачатак жніва, вядомы ў славянскай культуры з Х стагоддзя. Яго мэта – аддаць належнае зямлі-мацеркі, папрасіць у продкаў дапамогі падчас знясільваючай працы.
Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».
Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».

Перадусім палыкавіцкія жнейкі зрабілі “бабку” са снапоў. На фотаздымках, якія тут размешчаны, яе добра бачна. Аднак, перш чым узяцца за сярпы, жанчыны “білі чалом” жніву і, такім чынам, павіталіся з роднымі палеткамі. Пасля таго жнеі абралі старэйшую жанчыну, якая першай зрэзала сцябліны жыта. З гэтага моманту, калі магчыма гэтак выказацца, жніво і пачалося. Сноп за снапом – і вось яна, бабка. Удзельніцы абраду ўпрыгожылі яе святочнымі рушнікамі і рознакаляровымі стужкамі, паведамляе газета Магілёўскага раёна “Прыдняпроўская ніва”.

Адна з частак “Зажынак” – перадача “эстафеты” ад старога ўраджаю да новага, яшчэ не зжатага. На полі абавяскова з’яўляецца каравай – свежа выпечаны жытнёвы хлеб. Яго не толькі варта пакаштаваць, але і добрую частку схаваць пад бабкай. Гэта “гарантыя”, як лічылі нашы продкі, добрага новага ўраджаю. Канешне, гучалі спевы – тужлівыя, жніўныя, з цікавымі матывамі і сюжэтамі. Адзін з тыповых сюжэтаў: злая свякруха накіравала маладую нявестку жаць. Тая ад знясільваючай працы памірае наўпрост на полі і пераўтвараецца ў крушыну.

Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».
Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».
Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».
Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».
Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».
Удзельнікі ансамбля «Крынічанька» палацу культуры Палыкавічаў. Фота: «Прыдняпроўская ніва».