У Львове ёсць знакаміты рэстаран «Крыівка», а ў Мінску зараз будзе «Kalinoŭski» – там беларускамоўнае меню i паўстанцкі антураж: каласы не пад сярпом, партрэты Кастуся Каліноўскага і цытаты з «Мужыцкай праўды» на сценах.
Па аналогіі з «Мужыцкай праўдай» меню называецца «Кактэльная праўда», і яно прапануе аўтарскія кактэйлі з назвамі месяцаў: травень, чэрвень, ліпень і г. д. Таксама там можна пакаштаваць настойкі «на сваім» і безалкагольныя напоі ўласнай вытворчасці.
