Шаноўныя браты і сёстры ў Хрысце і ўсе людзі добрай волі!
У ціхі і цёмны вечар адбылося найвялікшае здарэнне ў чалавечай гісторыі – нараджэнне Хрыста. «Слова сталася Целам і пасялілася між намі».
Ягоная моц была не ў бразгаце зброі і не ў звоне золата, але ў дзіцячай нявіннасці і Божай чысціні. Ягоная Любоў змяніла лес кожнага з нас, а Ягонае Нараджэнне вярнула Рай у чалавечыя сэрцы.
Няхай у гэты Святы Вечар адкрыюцца нашыя вочы і ўбачаць Малое Дзіцятка ў кожным чалавеку, што ідзе побач праз цемру да вечнасці.
Няхай жа Вашыя сэрцы напоўняцца супакоем і чысцінею, няхай забуяе радасная надзея на Адраджэнне ў Святле. І няхай душы нашыя напоўніць голас нябесных моцаў: «Хвала на вышынях Богу, а на зямлі супакой, у людзях упадабанне!»
Хрыстос нарадзіўся! Слаўце Яго!
Расклад святочных набажэнстваў у касцёле Бабруйска
(на беларускай мове)
25.12: 11.00, 17.00 – урачыстасць нараджэння Пана.
26.12: 9.00, 18.00 – свята Св. Стэфана, першамучаніка.
27.12: 8.00, 18.00 – свята Св. Яна, апостала і евангеліста. У 18.00 – паводле традыцыі адбудзецца асвячэнне віна.
28.12: 8.00, 18.00 – свята Св. немаўлят, мучанікаў.
29.12: 9.00, 18.00 – пяты дзень у актаве нараджэння Пана.
