Палі, гароды і сады даюць дарункі.
Як бэз, Цвітуць чабор і верасы.
З туману Восень вяжа белыя карункі,
Мярэжыць барвай залатой лясы.
М. Аўрамчык.
Калі над гэтым полем з волкай хмарнасці
Па вашай волі ліўні зацурчаць —
Я буду ў дзікай першабытнай радасці
Скакаць і пець, куляцца і крычаць.
Н. Гілевіч.
Вулля Шукае позняя пчала.
Лагодна-мяккі свет, нібы вашчына.
I дабратой прасвечана Айчына
У барвах баравіннага святла.
А. Грачанікаў.
I яна адарыла пладамі багатымі
Працавітыя рукі шчаслівых людзей.
Чырванеюць рабіны над новымі хатамі,
Спелы верасень з мёдам і хлебам ідзе.
С. Грахоўскі.